Skip to main content

"லியோ"வை மிஞ்சிய கமலின் "தக் லைஃப்"... இவ்ளோ கோடி பிசினஸா..?

 கமல்ஹாசனின் 234வது படத்தை இயக்குநர் மணிரத்னம் இயக்குகிறார். அந்த படத்திற்கு தக் லைஃப் என்று டைட்டில் வைக்கப்பட்டுள்ளது.

நாயகன் படத்தின் வெற்றிக்கு பின் கமல்ஹாசனும் மணிரத்னமும் கிட்டத்தட்ட 36 ஆண்டுகளுக்குப் பிறகு இணையும் படம் என்பதால் தக் லைஃப் படத்தின் மீதான எதிர்பார்ப்பு அதிகளவில் உள்ளது.

இந்த படத்தில் ஒளிப்பதிவாளர் ரவி கே.சந்திரன், இசையமைப்பாளர் ஏ.ஆர். ரகுமான், ஸ்டண்ட் இயக்குனர்கள் அன்பறிவு, படத்தொகுப்பாளர் ஶ்ரீகர் பிரசாத் ஆகியோர் பணியாற்றுகின்றனர்.

கமல ஹாசனின் ராஜ்கமல் பிலிம்ஸ் இன்டர்நேஷனல் நிறுவனம் மற்றும் ரெட் ஜெயன்ட் மூவிஸ் நிறுவனம் இணைந்து தக் லைஃப் படத்தை தயாரிக்கிறது.

இந்த படத்தில் நடிகை த்ரிஷா, நடிகர் சிம்பு, நடிகர் கௌதம் கார்த்திக், நடிகர் ஜோஜூ ஜார்ஜ், நடிகை ஐஸ்வர்யா லக்ஷ்மி, நடிகை அபிராமி, நடிகர் நாசர் ஆகியோர் முக்கிய கதாபாத்திரங்களில் நடித்திருக்கின்றனர்.

இந்த படத்தின் புரோமோ வீடியோக்கள், போஸ்டர்கள், படப்பிடிப்பு தளத்தில் எடுக்கப்பட்ட புகைப்படங்கள் ஆகியவை வெளியாகி ரசிகர்கள் மத்தியில் நல்ல வரவேற்பு பெற்றது.

முதலில் இந்த படத்தில் நடிகர் ஜெயம் ரவியும் நடிகர் துல்கர் சல்மானும் நடிப்பதாக அறிவிக்கப்பட்டது. அதன் பின்னர் இருவருமே இந்த படத்தில் இருந்து விலகியதால், நடிகர் துல்கர் சல்மானின் கதாபாத்திரத்தில் தற்போது நடிகர் சிம்பு நடித்து வருகிறார்.

சமீபத்தில் தக் லைஃப் படத்தில் சிம்பு கதாபாத்திரத்திற்கான அறிமுக வீடியோ வெளியாகி வைரல் ஆனது.

நடிகர் ஜெயம் ரவி நடிக்க இருந்த கதாபாத்திரத்தில் தற்போது நடிகர் அசோக் செல்வன் நடிக்க இருப்பதாக கூறப்படுகிறது. ஆனால் இது குறித்த அதிகாரப்பூர்வமான தகவல் இன்னும் வெளியாகவில்லை.

இந்நிலையில் தக் லைஃப் படத்தின் பிசினஸ் குறித்து ஒரு புதிய அப்டேட் வெளியாகி உள்ளது.

ஏபி இண்டர்நேஷனல் மற்றும் ஹோம் ஸ்கிரீன் என்டர்டைன்மென்ட் ஆகிய இரு நிறுவனங்கள் தக் லைஃப் படத்தின் சர்வதேச திரையரங்கு விநியோக உரிமையை கைப்பற்றி இருப்பதாக அதிகாரப்பூர்வமாக அறிவிக்கப்பட்டுள்ளது. அதுவும் தக் லைஃப் படத்தின் உரிமையை MG அடிப்படையில் 63 கோடி ரூபாய்க்கு பிசினஸ் செய்யப்பட்டு இருப்பதாக தகவல் வெளியாகி இருக்கிறது.

இதற்கு முன் நடிகர் விஜய் நடிப்பில் லோகேஷ் கனகராஜ் இயக்கத்தில் வெளியான லியோ படத்தின் ஓவர்சீஸ் உரிமை 60 கோடி ரூபாய்க்கு பிசினஸ் ஆனது குறிப்பிடத்தக்கது. தற்போது தக் லைஃப் படம் அதற்கும் மேல் பிசினஸ் செய்து புதிய சாதனை படைத்திருக்கிறது.

விக்ரம் படத்தின் மெகா வெற்றியினாலும், இந்தியன் 2 படத்தின் மீது உள்ள எதிர்பார்ப்பினாலும், மணிரத்னம் - கமல் காம்போ என்பதினாலும், தக் லைஃப் படத்திற்கான பிஸ்னஸ் அமோகமாக இருப்பதாக நெட்டிசன்கள் தங்களது கருத்துக்களை தெரிவித்து வருகின்றனர்.

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்...

தயாநிதி மாறன் தொடர்ந்த வழக்கு : நீதிமன்றத்தில் எடப்பாடி ஆஜர்!

யார் அடுத்த பிரதமர் என்பதை ஜெகன்மோகன் ரெட்டியும், நவீன் பட்நாயக்கும் தீர்மானிக்கப் போகிறார்களா?

Comments

Post a Comment

Popular posts from this blog

மகன் திருமணம்: ரூ.2.5 கோடியில் புதிய கார் வாங்கிய நாகர்ஜூனா

தெலுங்கு சினிமா உலகில் அடுத்த பிரம்மாண்ட திருமணமாக நடிகர் நாக சைதன்யா மற்றும் நடிகை சோபிதா துலிபாலா இடையே டிசம்பர் 4 ஆம் தேதி திருமணம் நடைபெற உள்ளது. கடந்த சில ஆண்டுகளாக இருவரும் டேட்டிங்கில் இருந்து வந்த நிலையில் நாளை இருவரும் திருமணம் செய்து கொள்ள உள்ளனர். முன்னதாக நடிகை சமந்தா மற்றும் நாக சைதன்யா ஆகியோர் காதலித்து திருமணம் செய்து, பின்னர் பரஸ்பரம் பிரிந்தனர். நாளை நடைபெற உள்ள நாக சைதன்யாவின் திருமணம் தெலுங்கு சினிமா ரசிகர்கள் மத்தியில் அதிகம் பேசப்பட்டு வருகிறது. இந்த நிலையில், திருமணத்தை முன்னிட்டு தனது மகன் நாகசைதன்யாவுக்கு பரிசாக கொடுப்பதற்காக 2.5 கோடி மதிப்புள்ள லக்ஸஸ் எல்.எம். எம்.பி.வி காரை நாகர்ஜூனா வாங்கியுள்ளார். மெருண் வண்ணத்திலான இந்த காரை நாகர்ஜூனாவே ஆர்.டி.ஓ அலுவலகத்துக்கு ஓட்டி வந்து பதிவு செய்தார். 7 சீட்டர் கொண்ட இந்த கார் எலக்ட்ரிக் ரகத்தை சேர்ந்தது. இந்த காரின் அடிப்படை விலை 2.1 கோடி ஆகும். நாகர்ஜூனாவிடத்தில் ஏராளமான கார்கள் உள்ளன. ஏற்கனவே, அவரிடத்தில் கியா EV6, பி.எம்.டபிள்யூ 7-சீரிஸ் ஆடி ஏ 7, பி.எம். டபிள்யூ எம் 6, டொயட்டோ வெல்ஃபயர் , நிஸ்ஸான் ஜி...
Post a Comment
Read more »

"பாடகி சுசித்ரா மனநோயாளி": மறைமுகமாக சாடிய வைரமுத்து

மலையாள சினிமா போல தமிழ் திரையுலகிலும் ஏராளமான பாலியல் சீண்டல்கள் நடப்பதாக பாடகி சுசித்ரா அண்மையில் யூடியூப் சேனலுக்கு அளித்த பேட்டி ஒன்றில் குற்றச்சாட்டை முன்வைத்தார். குறிப்பாக கவிஞர் வைரமுத்து மீது சுசித்ரா கூறிய  புகார்கள் கோலிவுட்டில் சர்ச்சையை ஏற்படுத்தியது. வைரமுத்து குறித்து சுசித்ரா கூறியதாவது, ''மே மாசம் 98-ல் மேஜர் ஆனேன் பாடலை பாடியபோது கவிஞர் வைரமுத்து தனக்கு  போன் செய்தார். உங்கள் வாய்ஸ்ல ஒரு காமம் இருக்குமா , அதைக்கேட்டால் காதல் வருதும்மா என்று கூறினார். பின்னர், ஒருமுறை பரிசு கொடுக்க வேண்டும் என்று என்னை வீட்டுக்கு அழைத்தார்.  நான் எனது  பாட்டியுடன் வந்ததை பார்த்ததும் நீங்க தனியா வருவீங்கனு நினைச்சேன் என்று வைரமுத்து சொன்னார். அப்போது, அவரிடத்தில்  ஏதோ பரிசு தரப்போகிறேன்னு சொன்னீர்களே என்று நான் கேட்டேன்.  இந்த கேள்வியை எதிர்பார்க்காத அவர்,   வீட்டில் இருந்து இரண்டு ஷாம்பூ பாட்டில்களை எடுத்து வந்து கொடுத்தார்'' என்று தெரிவித்திருந்தார். வாழ்வியல் தோல்விகளாலும் பலவீனமான இதயத்தாலும் நிறைவேறாத ஆசைகளாலும் மன அழுத்தத்திற்கு உள்ளாகி அதன் உ...
Post a Comment
Read more »

’கூலி’யில் ஒலித்த 2 சூப்பர்ஹிட் விண்டேஜ் பாடல்கள்... பின்னணி என்ன தெரியுமா?

ரஜினிகாந்தின் கூலி திரைப்படத்திலும் வழக்கம்போல 2 விண்டேஜ் பாடல்களை இயக்குநர் லோகேஷ் கனகராஜ் பயன்படுத்தியுள்ளது ரசிகர்களால் பாராட்டப்பட்டு வருகிறது. மாநகரம் படத்தின் மூலம் தமிழ் சினிமாவில் அறிமுகமான லோகேஷ் கனகராஜ், அதன்பின்னர் கைதி, மாஸ்டர், விக்ரம், லியோ படங்களின் வெற்றியால் இந்திய அளவில் கவனம் ஈர்த்தார். இந்த நிலையில் தான் அவர் இயக்கத்தில் ரஜினிகாந்த், ஆமீர்கான், நாகர்ஜுனா, உபேந்திரா ஆகியோர் இணைந்து நடித்துள்ள ’கூலி’ திரைப்படம் இன்று வெளியாகி உள்ளது. பொதுவாக லோகேஷ் கனகராஜ் படங்கள் என்றாலே எதிர்பார்ப்புகள் எழும். அதிலும் குறிப்பாக அவர் தனது படங்களில் பயன்படுத்தும் விண்டேஜ் பாடல்கள் ரசிகர்களால் கவனிக்கப்பட்டு பாராட்டப்படும். குறிப்பாக லோகேஷ் கனகராஜின் இரண்டாவது படமான கைதி படத்தில் ’ஜும்பலகா ஜும்பலகா’ மற்றும் ’ஆசை அதிகாம் வச்சு’ ஆகிய பாடல்களைப் பயன்படுத்தியிருந்தார். விஜய் நடித்த மாஸ்டர் படத்தில், அமரன் படத்தில் வரும் ‘வெத்தல போட்ட சோக்குல’ மற்றும் புது நெல்லு புது நாடு படத்தில் வரும் ’கருத்த மச்சான்’ ஆகிய பாடல்கள் பின்னணியில் ஒலித்தன. லோகேஷ் தனது அபிமான நடிகரான...
Post a Comment
Read more »