Skip to main content

மோகன்லாலை தாக்கிய 'விசித்திர 'மயால்ஜியா... கெட் வெல் லாலேட்டா!

மலையாள நடிகர் மோகன்லாலை மயால்ஜியா என்ற நோய் தாக்கியிருப்பதாக மருத்துவர்கள் தங்கள் அறிக்கையில் தெரிவித்துள்ளனர்.

நடிகர் மோகன்லால் எம்பூரன் என்ற  புதிய படத்தின் படபிடிப்பில் இருந்த போது, அதிகப்படியான காய்ச்சல் காரணமாக கொச்சியிலுள்ள தனியார் மருத்துவமனையில் அனுமதிக்கப்பட்டார். தற்போது , 64 வயதான அவருக்கு மூச்சு விடுவதிலும் சிரமம் இருந்தது. மோகன்லாலை மயால்ஜியா என்ற நோய் தாக்கியுள்ளதாக மருத்துவர்கள் அறிக்கையில் தெரிவித்துள்ளனர்.

இதன் காரணமாக 5 நாட்களுக்கு முற்றிலும் அவரை ஓய்வு எடுக்க அறிவுறுத்தியுள்ளனர். கூட்டம் நிறைந்த பகுதிகளுக்கு செல்ல வேண்டாமென்றும் அறிவுரை வழங்கியுள்ளனர். டாக்டர்கள் அறிக்கையில் மயால்ஜியா என்ற விசித்திர வார்த்தை இடம் பெற்றிருந்ததால்,  அது என்ன நோய் என  மோகன்லாலின்  ரசிகர்கள் இணையத்தில் தேடி வருகின்றனர்.

இந்த மயால்ஜியா நோய் தாக்கினால் தசைகள், தசை நார் பகுதிகளில் அதிகப்படியான வலி ஏற்படும். இந்த வலி தசை திசுக்களில் இருந்து உருவாகும். ஒரு தசை பகுதியில் அதிக பயன்பாடு காரணமாகவும் இந்த நோய் ஏற்படலாம். மருந்துகளால் ஏற்படும் ஒவ்வாமை, காயம் , தடுப்பூசி போடுவதால் மயால்ஜியா தாக்கம் ஏற்பட வாய்ப்பு உண்டு.

இந்த நோய் தாக்கினால் பரவலாக உடல் முழுவதும் தாங்க முடியாத அளவுக்கு வலி ஏற்படும். நன்றாக ஓய்வு எடுப்பது, மசாஜ் செய்வது , ஸ்ட்ரெஸ்ஸை குறைப்பது, வாழ்க்கை முறையை மாற்றிக் கொள்வதால், இந்த நோய் தாக்காமல் பார்த்துக் கொள்ள முடியுமென்று மருத்துவர்கள் கூறுகின்றனர். இதையடுத்து, மோகன்லாலில் ரசிகர்கள் கெட்வெல் லாலேட்டா என்று வாழ்த்தி கொண்டிருக்கின்றனர்.

சமீபத்தில் வயநாட்டில் ஏற்பட்ட நிலச்சரிவை காண நடிகர் மோகன்லால் சென்று வந்தார் என்பதும் குறிப்பிடத்தக்கது.

செய்திகளை உடனுக்குடன் பெற மின்னம்பலம் வாட்ஸப் சேனலில் இணையுங்கள்.... 

-எம்.குமரேசன் 

“கலைஞரின் தொலைநோக்கு பார்வையால் தமிழ்நாடு முன்னோடி மாநிலமானது”… ராகுல் புகழாரம்!

ஆவணி மாத நட்சத்திர பலன் – ரேவதி! (17.8.2024 முதல் 16.9.2024 வரை)

 

Comments

Popular posts from this blog

"பாடகி சுசித்ரா மனநோயாளி": மறைமுகமாக சாடிய வைரமுத்து

மலையாள சினிமா போல தமிழ் திரையுலகிலும் ஏராளமான பாலியல் சீண்டல்கள் நடப்பதாக பாடகி சுசித்ரா அண்மையில் யூடியூப் சேனலுக்கு அளித்த பேட்டி ஒன்றில் குற்றச்சாட்டை முன்வைத்தார். குறிப்பாக கவிஞர் வைரமுத்து மீது சுசித்ரா கூறிய  புகார்கள் கோலிவுட்டில் சர்ச்சையை ஏற்படுத்தியது. வைரமுத்து குறித்து சுசித்ரா கூறியதாவது, ''மே மாசம் 98-ல் மேஜர் ஆனேன் பாடலை பாடியபோது கவிஞர் வைரமுத்து தனக்கு  போன் செய்தார். உங்கள் வாய்ஸ்ல ஒரு காமம் இருக்குமா , அதைக்கேட்டால் காதல் வருதும்மா என்று கூறினார். பின்னர், ஒருமுறை பரிசு கொடுக்க வேண்டும் என்று என்னை வீட்டுக்கு அழைத்தார்.  நான் எனது  பாட்டியுடன் வந்ததை பார்த்ததும் நீங்க தனியா வருவீங்கனு நினைச்சேன் என்று வைரமுத்து சொன்னார். அப்போது, அவரிடத்தில்  ஏதோ பரிசு தரப்போகிறேன்னு சொன்னீர்களே என்று நான் கேட்டேன்.  இந்த கேள்வியை எதிர்பார்க்காத அவர்,   வீட்டில் இருந்து இரண்டு ஷாம்பூ பாட்டில்களை எடுத்து வந்து கொடுத்தார்'' என்று தெரிவித்திருந்தார். வாழ்வியல் தோல்விகளாலும் பலவீனமான இதயத்தாலும் நிறைவேறாத ஆசைகளாலும் மன அழுத்தத்திற்கு உள்ளாகி அதன் உ...

மகன் திருமணம்: ரூ.2.5 கோடியில் புதிய கார் வாங்கிய நாகர்ஜூனா

தெலுங்கு சினிமா உலகில் அடுத்த பிரம்மாண்ட திருமணமாக நடிகர் நாக சைதன்யா மற்றும் நடிகை சோபிதா துலிபாலா இடையே டிசம்பர் 4 ஆம் தேதி திருமணம் நடைபெற உள்ளது. கடந்த சில ஆண்டுகளாக இருவரும் டேட்டிங்கில் இருந்து வந்த நிலையில் நாளை இருவரும் திருமணம் செய்து கொள்ள உள்ளனர். முன்னதாக நடிகை சமந்தா மற்றும் நாக சைதன்யா ஆகியோர் காதலித்து திருமணம் செய்து, பின்னர் பரஸ்பரம் பிரிந்தனர். நாளை நடைபெற உள்ள நாக சைதன்யாவின் திருமணம் தெலுங்கு சினிமா ரசிகர்கள் மத்தியில் அதிகம் பேசப்பட்டு வருகிறது. இந்த நிலையில், திருமணத்தை முன்னிட்டு தனது மகன் நாகசைதன்யாவுக்கு பரிசாக கொடுப்பதற்காக 2.5 கோடி மதிப்புள்ள லக்ஸஸ் எல்.எம். எம்.பி.வி காரை நாகர்ஜூனா வாங்கியுள்ளார். மெருண் வண்ணத்திலான இந்த காரை நாகர்ஜூனாவே ஆர்.டி.ஓ அலுவலகத்துக்கு ஓட்டி வந்து பதிவு செய்தார். 7 சீட்டர் கொண்ட இந்த கார் எலக்ட்ரிக் ரகத்தை சேர்ந்தது. இந்த காரின் அடிப்படை விலை 2.1 கோடி ஆகும். நாகர்ஜூனாவிடத்தில் ஏராளமான கார்கள் உள்ளன. ஏற்கனவே, அவரிடத்தில் கியா EV6, பி.எம்.டபிள்யூ 7-சீரிஸ் ஆடி ஏ 7, பி.எம். டபிள்யூ எம் 6, டொயட்டோ வெல்ஃபயர் , நிஸ்ஸான் ஜி...

விமர்சனம் : மழை பிடிக்காத மனிதன்!

  உதயசங்கரன் பாடகலிங்கம் கவிதைக்காரனா? ஆக்‌ஷன் ஹீரோவா? தமிழ் திரையுலக நாயகர்களில் சிலரது படங்கள் நிச்சயம் வித்தியாசமான அனுபவத்தைத் தரும் என்று சொல்லத்தக்கதாக இருக்கும். அப்படியொரு எதிர்பார்ப்பை உருவாக்கும் அளவுக்கு, அவர்களது முந்தைய படங்கள் ரசிகர்களிடத்தில் தாக்கம் ஏற்படுத்தியிருக்கும். அந்த வகையில் விஜய் ஆண்டனியின் படங்கள் என்றாலே நிச்சயம் வழக்கத்திற்கு மாறான கமர்ஷியல் பட அனுபவத்தைப் பெறலாம் என்று தாராளமாகச் சொல்லலாம். அந்த வரிசையில், ஒளிப்பதிவாளர் விஜய் மில்டன் இயக்கத்தில், விஜய் ஆண்டனி நடித்த ‘மழை பிடிக்காத மனிதன்’ தற்போது ரிலீஸ் ஆகியிருக்கிறது. இந்தப் படமும் வழக்கமான விஜய் ஆண்டனி படம் போல அமைந்திருக்கிறதா? நல்லதொரு கமர்ஷியல் படம் பார்த்த திருப்தியைத் தருகிறதா? எப்படிப்பட்ட காட்சியனுபவத்தைத் தருகிறது ‘மழை பிடிக்காத மனிதன்’? கவிதையாய் சில காட்சிகள்! ‘மழை பிடிக்காத மனிதன்’ என்ற டைட்டிலை கேட்டவுடன் நமக்குள் என்ன மாதிரியான கதை தோன்றும்? மழையை ஆராதிப்பதுதான் சினிமாவுலக நாயக, நாயகிகளின் வழக்கம். அப்படிப்பட்ட மழையை வெறுக்கத்தக்க அளவுக்கு, நாயகனின் வாழ்வில் ஒரு கொடூர சம்பவம் நிகழ்ந்திரு...