Skip to main content

பணம் தராமல் அலைக்கழிப்பு : PVR நிறுவனத்துக்கு எதிராக திரும்பும் விநியோகஸ்தர்கள்!

இந்திய சினிமாவில் திரையரங்குகளில் படத்தை திரையிட்டு கிடைக்கும் வருமானத்தில் தயாரிப்பாளருக்கு கிடைக்கும் சதவீதம் தனி திரையரங்குகள் மூலமே அதிகமாக இருக்கும். மல்டிபிளக்ஸ், மால் திரையரங்குகள் மூலம் குறைவான சதவீத வருவாய் மட்டுமே கிடைக்கும்.

இந்திய சினிமா பாக்ஸ் ஆபீஸ் வசூலில் தனி திரையரங்குகளின் வருவாய் ஆதிக்கம் செலுத்தி வந்ததற்கு முடிவு கட்டிய பெருமை மல்டிபிளக்ஸ் திரையரங்குகளுக்கே உரியது.

திரையரங்கு தொழிலில் கார்ப்பரேட் நிறுவனங்கள் முதலீடு செய்து நவீனப்படுத்திய போது அதனை ஆதரித்து, ஊக்குவித்தவர்கள் திரைப்பட தயாரிப்பாளர்களும், விநியோகஸ்தர்களும் தான்.

புதிய படங்கள் வெளியாகும் போது மால் தியேட்டர்களுக்கு முதல் மரியாதை கொடுத்து அவர்களை தேடி சென்று படத்திற்கு திரைகள் ஒதுக்கீடு செய்ய கோரிக்கை வைப்பார்கள்.

முன் தொகை இல்லை என்றாலும் பரவாயில்லை திரை ஒதுக்கீடு செய்தால் போதும் என்ற நிலையில் படங்களை திரையிட ஒப்பந்தம் செய்வார்கள். ஆனால் தனித் திரையரங்குகள் முன்தொகை கொடுத்து படத்தை திரையிட ஒப்பந்தம் செய்ய வருபவர்களை காக்க வைத்து அதிகபட்ட சதவீத பங்கு தொகை அடிப்படையில் படங்களை திரையிட ஒப்பந்தம் செய்வார்கள்.

எந்த கார்ப்பரேட் நிறுவன திரைகளை தயாரிப்பாளர்கள் சிவப்பு கம்பளம் விரித்து, வளர்த்து விட்டார்களோ, அந்த நிறுவனங்கள் ஆக்டோபஸாக வளர்ந்து தற்போது விநியோகஸ்தர், தயாரிப்பாளர்களுக்கு சிம்ம சொப்பனமாக மாறி இருக்கிறது.

மல்டிபிளக்ஸ் அரங்குகளை இந்தியா முழுவதும் நிறுவியுள்ள PVR நிறுவனத்துக்கு சென்னையில் மட்டும் 105 திரைகளும் தமிழ்நாடு முழுக்க சுமார் 150 திரைகளும் இருக்கின்றன.

சென்னை, செங்கல்பட்டு, கோவை, மதுரை, சேலம் ஆகிய விநியோகப் பகுதிகளில் இந்நிறுவனத்தின் திரையரங்குகள் இருக்கின்றன.

PVR Sathyam Cinemas | Tamil Nadu Chennai | Hospitality and Entertainment Entertainment Theatre | Bharat Directory

சென்னையின் அடையாளமாகத் திகழ்ந்த சத்யம் சினிமாஸ் உள்ளிட்ட பல நிறுவனங்களை PVR நிறுவனம் கையகப்படுத்தி நடத்தி வருகிறது. திரையுலகம் இப்போது அந்நிறுவனத்துக்கெதிராக பேசத் தொடங்கியிருக்கிறது.

அதற்குக் காரணம், அந்நிறுவனம் நடத்தும் திரைகளில் திரையிடும் படங்களின் மூலம் வரக்கூடிய பாக்ஸ் ஆபீஸ் வசூலில் விநியோகஸ்தர்களுக்கான பங்கு தொகை கொடுப்பதில் ஏற்படும் நீண்ட கால தாமதம்தான் காரணம் என்கின்றனர்.

இதே போன்ற நடைமுறையை அதிக வருவாய் வரக்கூடிய, முக்கியத்துவம் மிக்க தனி திரையரங்குகள் பத்தாண்டுகளுக்கு முன்பு செய்து வந்தன. அதனை விநியோகஸ்தர்கள் சங்கங்கங்கள் பஞ்சாயத்து பேசி ஒழுங்குபடுத்தினார்கள்.

ஆனால் PVR போன்ற நிறுவனங்கள் எதற்கும் கட்டுப்பட்டு வருவதாக தெரியவில்லை. ’எங்களை விட்டால் எங்கு படத்தை திரையிடுவீர்கள்?’ என எதிர் கேள்வி கேட்டு தயாரிப்பாளர், விநியோகஸ்தர் இருவரையும் அச்சுறுத்தி வருகிறது என்கின்றனர்.

PVR ல் புதிய படங்களை திரையிடும் விநியோகஸ்தர்களுக்கான பங்குத் தொகையை கொடுக்க சுமார் மூன்று மாதங்கள் எடுத்துக் கொள்கிறது அந்நிறுவனம். மாதத்தின் முதல் நாள் திரையிடப்படும் ஒரு படம் ஒரு மாதம் அல்லது ஐம்பது நாட்கள் திரையரங்கில் ஓடுகிறது.

அப்படம் ஓடி முடித்த பின்பு மொத்தமாக எவ்வளவு வசூல் அதில் விநியோகஸ்தரின் பங்கு எவ்வளவு என்பதைப் பிரித்து எழுதிக் கணக்குப் போட்டு தகவல் கூறிவிடுகின்றனர்.

அதன் பின்பு நிர்வாக நடைமுறை, காசோலை தயாரிப்பு, தலைமை அலுவலக அனுமதி என காரணம் கூறி இரண்டு வாரம் கழித்துப் பணம் கொடுத்து வந்தவர்கள் தற்போது அந்தக் கால எல்லையை நீட்டித்து இப்போது மூன்று மாதங்கள் கடந்த பின்னரே பங்கு தொகையை வழங்க தொடங்கியுள்ளனர்.

அதாவது படம் வெளியிட்ட பின் விநியோகஸ்தரின் பங்கு அவரிடம் சென்று சேர சுமார் ஐந்து மாதங்கள் ஆகின்றன என்கிறார்கள்.

அதேசமயம் தனித் திரையரங்கு முதலாளிகள் படம் போடுவதற்கு முன்பணம் கொடுக்கிறார்கள். படம் ஓடி முடிந்ததும் உடனே கணக்குக் கொடுத்துப் பணமும் கொடுத்து விடுகிறார்கள். ஆனால் PVRபோன்ற கார்ப்பரேட் நிறுவனங்கள் திரையிடும் எந்தப் படத்துக்கும் முன்பணம் கொடுப்பதில்லை.வருகிற வசூலையும் சுமார் ஐந்து மாத காலம் பயன்படுத்திக் கொள்கிறது.

வட்டிக்கு வாங்கி தொழில் செய்யும் விநியோகஸ்தரும் தயாரிப்பாளரும் இந்த ஐந்து மாதத்துக்கும் சேர்த்து வட்டி கட்ட வேண்டிய கொடிய சூழலுக்கு தள்ளப்பட்டுள்ளனர்.

இந்த நிலையில் நேற்று (ஆகஸ்ட் 27) சென்னையில் நடந்த நடப்பு விநியோகஸ்தர்கள் சங்க பொதுக்குழுவில் பிவிஆர் நிறுவனத்தின் இச்செயலுக்கு எதிராக போர்க்குரல்கள் எழுந்துள்ளன.

’தனித் திரையரங்குகளை அழித்து உருவாகும் இதுபோன்ற நிறுவனங்களை ஆதரித்த முன்னணி தயாரிப்பாளர்கள் இருப்பதை அழித்து பறக்க ஆசைப்பட்டதற்கான பலனை இப்போது அனுபவிக்கின்றோம்’ என்கின்றனர்.

இருந்தபோதிலும் PVR நிறுவனத்திடம் பேச்சுவார்த்தை நடத்தி சுமுகமான தீர்வு காண பொதுக்குழு கூட்டத்தில் தீர்மானம் நிறைவேற்றப்பட்டிருக்கிறது.

செய்திகளை உடனுக்குடன் பெற மின்னம்பலம் வாட்ஸ் ஆப் சேனலில் இணையுங்கள்...

இராமானுஜம்

சரக்கு வேனில் மக்களை ஏற்றினால் கடும் நடவடிக்கை… ‘வாழை’ படத்தின் எதிரொலியா? நடந்தது என்ன?

ஓய்வு பெற்ற பெண் இன்ஸ்பெக்டர் கொலை… மதிமுக மாவட்ட செயலாளர் கைது!

பணம் தராமல் அலைகழிப்பு : PVR நிறுவனத்துக்கு எதிராக திரும்பும் விநியோகஸ்தர்கள்!

Comments

Popular posts from this blog

"பாடகி சுசித்ரா மனநோயாளி": மறைமுகமாக சாடிய வைரமுத்து

மலையாள சினிமா போல தமிழ் திரையுலகிலும் ஏராளமான பாலியல் சீண்டல்கள் நடப்பதாக பாடகி சுசித்ரா அண்மையில் யூடியூப் சேனலுக்கு அளித்த பேட்டி ஒன்றில் குற்றச்சாட்டை முன்வைத்தார். குறிப்பாக கவிஞர் வைரமுத்து மீது சுசித்ரா கூறிய  புகார்கள் கோலிவுட்டில் சர்ச்சையை ஏற்படுத்தியது. வைரமுத்து குறித்து சுசித்ரா கூறியதாவது, ''மே மாசம் 98-ல் மேஜர் ஆனேன் பாடலை பாடியபோது கவிஞர் வைரமுத்து தனக்கு  போன் செய்தார். உங்கள் வாய்ஸ்ல ஒரு காமம் இருக்குமா , அதைக்கேட்டால் காதல் வருதும்மா என்று கூறினார். பின்னர், ஒருமுறை பரிசு கொடுக்க வேண்டும் என்று என்னை வீட்டுக்கு அழைத்தார்.  நான் எனது  பாட்டியுடன் வந்ததை பார்த்ததும் நீங்க தனியா வருவீங்கனு நினைச்சேன் என்று வைரமுத்து சொன்னார். அப்போது, அவரிடத்தில்  ஏதோ பரிசு தரப்போகிறேன்னு சொன்னீர்களே என்று நான் கேட்டேன்.  இந்த கேள்வியை எதிர்பார்க்காத அவர்,   வீட்டில் இருந்து இரண்டு ஷாம்பூ பாட்டில்களை எடுத்து வந்து கொடுத்தார்'' என்று தெரிவித்திருந்தார். வாழ்வியல் தோல்விகளாலும் பலவீனமான இதயத்தாலும் நிறைவேறாத ஆசைகளாலும் மன அழுத்தத்திற்கு உள்ளாகி அதன் உ...

மகன் திருமணம்: ரூ.2.5 கோடியில் புதிய கார் வாங்கிய நாகர்ஜூனா

தெலுங்கு சினிமா உலகில் அடுத்த பிரம்மாண்ட திருமணமாக நடிகர் நாக சைதன்யா மற்றும் நடிகை சோபிதா துலிபாலா இடையே டிசம்பர் 4 ஆம் தேதி திருமணம் நடைபெற உள்ளது. கடந்த சில ஆண்டுகளாக இருவரும் டேட்டிங்கில் இருந்து வந்த நிலையில் நாளை இருவரும் திருமணம் செய்து கொள்ள உள்ளனர். முன்னதாக நடிகை சமந்தா மற்றும் நாக சைதன்யா ஆகியோர் காதலித்து திருமணம் செய்து, பின்னர் பரஸ்பரம் பிரிந்தனர். நாளை நடைபெற உள்ள நாக சைதன்யாவின் திருமணம் தெலுங்கு சினிமா ரசிகர்கள் மத்தியில் அதிகம் பேசப்பட்டு வருகிறது. இந்த நிலையில், திருமணத்தை முன்னிட்டு தனது மகன் நாகசைதன்யாவுக்கு பரிசாக கொடுப்பதற்காக 2.5 கோடி மதிப்புள்ள லக்ஸஸ் எல்.எம். எம்.பி.வி காரை நாகர்ஜூனா வாங்கியுள்ளார். மெருண் வண்ணத்திலான இந்த காரை நாகர்ஜூனாவே ஆர்.டி.ஓ அலுவலகத்துக்கு ஓட்டி வந்து பதிவு செய்தார். 7 சீட்டர் கொண்ட இந்த கார் எலக்ட்ரிக் ரகத்தை சேர்ந்தது. இந்த காரின் அடிப்படை விலை 2.1 கோடி ஆகும். நாகர்ஜூனாவிடத்தில் ஏராளமான கார்கள் உள்ளன. ஏற்கனவே, அவரிடத்தில் கியா EV6, பி.எம்.டபிள்யூ 7-சீரிஸ் ஆடி ஏ 7, பி.எம். டபிள்யூ எம் 6, டொயட்டோ வெல்ஃபயர் , நிஸ்ஸான் ஜி...

விமர்சனம் : மழை பிடிக்காத மனிதன்!

  உதயசங்கரன் பாடகலிங்கம் கவிதைக்காரனா? ஆக்‌ஷன் ஹீரோவா? தமிழ் திரையுலக நாயகர்களில் சிலரது படங்கள் நிச்சயம் வித்தியாசமான அனுபவத்தைத் தரும் என்று சொல்லத்தக்கதாக இருக்கும். அப்படியொரு எதிர்பார்ப்பை உருவாக்கும் அளவுக்கு, அவர்களது முந்தைய படங்கள் ரசிகர்களிடத்தில் தாக்கம் ஏற்படுத்தியிருக்கும். அந்த வகையில் விஜய் ஆண்டனியின் படங்கள் என்றாலே நிச்சயம் வழக்கத்திற்கு மாறான கமர்ஷியல் பட அனுபவத்தைப் பெறலாம் என்று தாராளமாகச் சொல்லலாம். அந்த வரிசையில், ஒளிப்பதிவாளர் விஜய் மில்டன் இயக்கத்தில், விஜய் ஆண்டனி நடித்த ‘மழை பிடிக்காத மனிதன்’ தற்போது ரிலீஸ் ஆகியிருக்கிறது. இந்தப் படமும் வழக்கமான விஜய் ஆண்டனி படம் போல அமைந்திருக்கிறதா? நல்லதொரு கமர்ஷியல் படம் பார்த்த திருப்தியைத் தருகிறதா? எப்படிப்பட்ட காட்சியனுபவத்தைத் தருகிறது ‘மழை பிடிக்காத மனிதன்’? கவிதையாய் சில காட்சிகள்! ‘மழை பிடிக்காத மனிதன்’ என்ற டைட்டிலை கேட்டவுடன் நமக்குள் என்ன மாதிரியான கதை தோன்றும்? மழையை ஆராதிப்பதுதான் சினிமாவுலக நாயக, நாயகிகளின் வழக்கம். அப்படிப்பட்ட மழையை வெறுக்கத்தக்க அளவுக்கு, நாயகனின் வாழ்வில் ஒரு கொடூர சம்பவம் நிகழ்ந்திரு...