Skip to main content

கூலியை ’நக்கல்’ செய்தாரா சத்யராஜ்?!

நடிகர் சத்யராஜ் ஹீரோவாக நடித்த படங்களில் அவர் அடிக்கிற ‘காமெடி லூட்டி’கள் ரொம்பவே பிரபலம்.

அதுவும் கவுண்டமணி உடன் அவர் நடித்த படங்கள் இன்றும் நம் வயிற்றைப் பதம் பார்க்கும் ரகத்தில் இருந்து வருகின்றன. அந்தளவுக்கு அவை நம்மைச் சிரிக்க வைக்கின்றன. சில வேளைகளில் அந்த கிண்டல் ‘டமார்’ ‘டூமீர்’ என்று நாம் கொண்டிருக்கிற சில பிம்பங்களையும் சுக்குநூறாக்கும். அது போன்ற கிண்டலை மேடைகளிலும் அவ்வப்போது வெளிப்படுத்துவார் சத்யராஜ். கடந்த காலத்தில் அவற்றில் சில சர்ச்சைகளாக உருவெடுத்திருக்கின்றன.

அப்படியொரு விஷயம் நிகழ்ந்துவிடுமோ என்ற எண்ணத்தை ஏற்படுத்தியிருக்கிறது சமீபத்தில் நடந்த ’திர்பனதாரி பார்பரிக்’ தெலுங்கு பட பத்திரிகையாளர் சந்திப்பு.

இந்த நிகழ்ச்சியில் கலந்துகொண்ட சத்யராஜ் பத்திரிகையாளர்களின் கேள்விகளுக்குப் பதிலளித்தார்.

’பாகுபலி’ கட்டப்பா மாதிரியான பாத்திரங்களில் நடித்த நீங்கள் இது போன்ற சிறு பட்ஜெட் படத்தில் இடம்பெற்றது ஏன் என்ற கேள்விக்கு, இனி வரும் நாட்களில் இது போன்ற படங்களில் இடம்பெறுவதையே தான் விரும்புவதாகத் தெரிவித்தார் சத்யராஜ்.

பின்னர், ஒரு படத்திற்காகத் தயாராவதில் ‘பட்ஜெட்’ ஏதேனும் உங்களிடத்தில் தாக்கம் ஏற்படுத்துமா என்ற கேள்வி கேட்கப்பட்டது. அதற்கு, ‘எனக்கு பெரிய பட்ஜெட், சிறு பட்ஜெட் படங்கள் எல்லாமே ஒன்றுதான்’ என்று பதிலளித்தார்.

கூடவே, ‘பெரிய பட்ஜெட் படங்களில் எனக்கு நல்ல சம்பளம் கிடைக்கும். அதுதான் வித்தியாசம்’ என்றார். சிக்கந்தர், கூலி படங்களுக்கு வாங்கிய சம்பளத்தை விடக் குறைவாகவே ‘திர்பனதாரி பார்பரிக்’ போன்ற படங்களுக்கு வாங்குவதாகக் கூறினார்.

தொடர்ந்து அக்கேள்விக்குப் பதிலளிக்கும் வகையில் பேசியவர், “கதை சார்ந்த படங்கள் தான் கேரக்டர் ஆர்ட்டிஸ்ட்களுக்கு நல்ல வாய்ப்புகளை வழங்கும்” என்று தெரிவித்தார்.

“பெரிய பட்ஜெட் படங்களில் ஹீரோவின் சம்பளம் ‘பெரிதாக’ இருந்தால் குணசித்திர நடிப்புக் கலைஞர்களுக்கான முக்கியத்துவம் படத்தில் ‘மிகச்சிறியதாக’ இருக்கும் என்று ‘சைகை’ மூலமாக வெளிப்படுத்தினார்.

“எல்லா கேரக்டர் ஆர்ட்டிஸ்ட்களும் ஹீரோவைப் புகழ்ந்தே பேச வேண்டியிருக்கும். ‘அவனோட கண்ணுல என்னோட சாவைப் பார்த்தேன்’ என்று முதல் ரீலிலேயே ஹீரோ பற்றி வில்லன் வசனம் பேசுவார். பிறகு, 13வது ரீல் வரை வில்லனால் அந்தக் கதையில் என்ன பயன்” என்று தனது ‘ஸ்டைலில்’ நக்கலடித்தார் சத்யராஜ்.

அந்த பேச்சு தொடர்பான வீடியோக்களை பார்த்த ரசிகர்கள் சிலர், ‘பெரிய பட்ஜெட் படம் என்று கூலியைத் தான் சத்யராஜ் கிண்டலடிச்சிருக்காரா’ என்று சமூகவலைதளங்களில் கேள்வி எழுப்பி வருகின்றனர்.

இதையும் படிங்க!

Comments

Popular posts from this blog

"பாடகி சுசித்ரா மனநோயாளி": மறைமுகமாக சாடிய வைரமுத்து

மலையாள சினிமா போல தமிழ் திரையுலகிலும் ஏராளமான பாலியல் சீண்டல்கள் நடப்பதாக பாடகி சுசித்ரா அண்மையில் யூடியூப் சேனலுக்கு அளித்த பேட்டி ஒன்றில் குற்றச்சாட்டை முன்வைத்தார். குறிப்பாக கவிஞர் வைரமுத்து மீது சுசித்ரா கூறிய  புகார்கள் கோலிவுட்டில் சர்ச்சையை ஏற்படுத்தியது. வைரமுத்து குறித்து சுசித்ரா கூறியதாவது, ''மே மாசம் 98-ல் மேஜர் ஆனேன் பாடலை பாடியபோது கவிஞர் வைரமுத்து தனக்கு  போன் செய்தார். உங்கள் வாய்ஸ்ல ஒரு காமம் இருக்குமா , அதைக்கேட்டால் காதல் வருதும்மா என்று கூறினார். பின்னர், ஒருமுறை பரிசு கொடுக்க வேண்டும் என்று என்னை வீட்டுக்கு அழைத்தார்.  நான் எனது  பாட்டியுடன் வந்ததை பார்த்ததும் நீங்க தனியா வருவீங்கனு நினைச்சேன் என்று வைரமுத்து சொன்னார். அப்போது, அவரிடத்தில்  ஏதோ பரிசு தரப்போகிறேன்னு சொன்னீர்களே என்று நான் கேட்டேன்.  இந்த கேள்வியை எதிர்பார்க்காத அவர்,   வீட்டில் இருந்து இரண்டு ஷாம்பூ பாட்டில்களை எடுத்து வந்து கொடுத்தார்'' என்று தெரிவித்திருந்தார். வாழ்வியல் தோல்விகளாலும் பலவீனமான இதயத்தாலும் நிறைவேறாத ஆசைகளாலும் மன அழுத்தத்திற்கு உள்ளாகி அதன் உ...

மகன் திருமணம்: ரூ.2.5 கோடியில் புதிய கார் வாங்கிய நாகர்ஜூனா

தெலுங்கு சினிமா உலகில் அடுத்த பிரம்மாண்ட திருமணமாக நடிகர் நாக சைதன்யா மற்றும் நடிகை சோபிதா துலிபாலா இடையே டிசம்பர் 4 ஆம் தேதி திருமணம் நடைபெற உள்ளது. கடந்த சில ஆண்டுகளாக இருவரும் டேட்டிங்கில் இருந்து வந்த நிலையில் நாளை இருவரும் திருமணம் செய்து கொள்ள உள்ளனர். முன்னதாக நடிகை சமந்தா மற்றும் நாக சைதன்யா ஆகியோர் காதலித்து திருமணம் செய்து, பின்னர் பரஸ்பரம் பிரிந்தனர். நாளை நடைபெற உள்ள நாக சைதன்யாவின் திருமணம் தெலுங்கு சினிமா ரசிகர்கள் மத்தியில் அதிகம் பேசப்பட்டு வருகிறது. இந்த நிலையில், திருமணத்தை முன்னிட்டு தனது மகன் நாகசைதன்யாவுக்கு பரிசாக கொடுப்பதற்காக 2.5 கோடி மதிப்புள்ள லக்ஸஸ் எல்.எம். எம்.பி.வி காரை நாகர்ஜூனா வாங்கியுள்ளார். மெருண் வண்ணத்திலான இந்த காரை நாகர்ஜூனாவே ஆர்.டி.ஓ அலுவலகத்துக்கு ஓட்டி வந்து பதிவு செய்தார். 7 சீட்டர் கொண்ட இந்த கார் எலக்ட்ரிக் ரகத்தை சேர்ந்தது. இந்த காரின் அடிப்படை விலை 2.1 கோடி ஆகும். நாகர்ஜூனாவிடத்தில் ஏராளமான கார்கள் உள்ளன. ஏற்கனவே, அவரிடத்தில் கியா EV6, பி.எம்.டபிள்யூ 7-சீரிஸ் ஆடி ஏ 7, பி.எம். டபிள்யூ எம் 6, டொயட்டோ வெல்ஃபயர் , நிஸ்ஸான் ஜி...

விமர்சனம் : மழை பிடிக்காத மனிதன்!

  உதயசங்கரன் பாடகலிங்கம் கவிதைக்காரனா? ஆக்‌ஷன் ஹீரோவா? தமிழ் திரையுலக நாயகர்களில் சிலரது படங்கள் நிச்சயம் வித்தியாசமான அனுபவத்தைத் தரும் என்று சொல்லத்தக்கதாக இருக்கும். அப்படியொரு எதிர்பார்ப்பை உருவாக்கும் அளவுக்கு, அவர்களது முந்தைய படங்கள் ரசிகர்களிடத்தில் தாக்கம் ஏற்படுத்தியிருக்கும். அந்த வகையில் விஜய் ஆண்டனியின் படங்கள் என்றாலே நிச்சயம் வழக்கத்திற்கு மாறான கமர்ஷியல் பட அனுபவத்தைப் பெறலாம் என்று தாராளமாகச் சொல்லலாம். அந்த வரிசையில், ஒளிப்பதிவாளர் விஜய் மில்டன் இயக்கத்தில், விஜய் ஆண்டனி நடித்த ‘மழை பிடிக்காத மனிதன்’ தற்போது ரிலீஸ் ஆகியிருக்கிறது. இந்தப் படமும் வழக்கமான விஜய் ஆண்டனி படம் போல அமைந்திருக்கிறதா? நல்லதொரு கமர்ஷியல் படம் பார்த்த திருப்தியைத் தருகிறதா? எப்படிப்பட்ட காட்சியனுபவத்தைத் தருகிறது ‘மழை பிடிக்காத மனிதன்’? கவிதையாய் சில காட்சிகள்! ‘மழை பிடிக்காத மனிதன்’ என்ற டைட்டிலை கேட்டவுடன் நமக்குள் என்ன மாதிரியான கதை தோன்றும்? மழையை ஆராதிப்பதுதான் சினிமாவுலக நாயக, நாயகிகளின் வழக்கம். அப்படிப்பட்ட மழையை வெறுக்கத்தக்க அளவுக்கு, நாயகனின் வாழ்வில் ஒரு கொடூர சம்பவம் நிகழ்ந்திரு...